Körfuknattleikur

Yngri flokkar - Meistaraflokkur

Fréttir

Taylor Stafford til Hattar

  • Skoða sem PDF skjal

Samið hefur verið við Taylor Stafford um að leika með liðinu á næstu leiktíð. Stafford er 23. ára bandarískur bakvörður sem kemur úr háskólaboltanum þar sem hann lék með WWU Vikings.

Á síðasta ári sínu var Stafford með 24.3 stig, 5.0 fráköst og 3.2 stoðsendingar að meðaltali í leik. Gert er ráð fyrir því að Stafford komi austur á hérað í byrjun september.

Við bjóðum Taylor Stafford velkominn austur í Egilsstaði.

Hér er hægt að sjá smá myndbrot af Stafford í leikjum með WWU Vikings https://www.youtube.com/watch?v=iLFQbykFRyc&t=1s

alt

Samið við Bergþór Ægir

  • Skoða sem PDF skjal

Höttur hefur samið við Bergþór Ægir Ríkharðsson um að leika með liðinu í Dominos deildinni á næstu leiktíð.
Bergþór kemur til okkar frá Fjölni og spilaði rúmar 22 mínútur í leik í fyrra og skoraði um 7 stig og tók 4 fráköst að meðaltali í leik.

Við hlökkum mikið til að fá Bergþór austur til liðs við okkur, hann bætist við hópinn ásamt Adam Eið Ásgeirssyni sem samdi við okkur fyrr í sumar.

alt

Mynd frá undirskrift í dag

 

Nú er líka búið að semja við alla þá leikmenn sem léku með okkur í fyrra fyrir utan að það kemur nýr bandarískur leikmaður til okkar. 

Áfram Höttur

Adam Eiður í Hött

  • Skoða sem PDF skjal

Höttur hefur samið við Adam Eið Ásgeirsson um að leika með liðinu í Dominos-deildinni á næsta tímabili. 

alt

Adam og Ásthildur formaður eftir undirskriftina í dag

 

Adam lék rúmar 10 mínútur að meðaltali í 21 leik með uppeldisfélagi sínu Njarðvík á síðasta tímabili.

Við bjóðum Adam velkominn til okkar og erum við mjög ánægð með þessa viðbót við liðið, Adam mun flytja austur í lok sumars.

 

Þess má einnig geta að búið er að semja við flest alla leikmenn sem léku með liðinu á síðasta tímabili um áframhald.

Tveir naglbítar í íþróttahúsinu

  • Skoða sem PDF skjal

Toppsætiið í 1. deildinni var í boði í kvöld þegar Höttur mætti Fjölni á Egilsstöðum. Leikurinn var jafn allan tímann en Fjölnir komst 7 stigum yfir þegar 5 mín voru til leiksloka. Viðar tók þá leikhlé og okkar menn snéru taflinu við. Fjölnismenn fengu tvær sóknir til að komast yfir í stöðunni 85-84 en Hreinn Gunnar tók frákast eftir seinni sóknina þeirra, brotið á honum og hann innsiglaði sigurinn með því að setja bæði skotin niður á vítalínunni, 87-84. Mirko skoraði mest eða 34 stig. Hann virðist vera eins og gott rauðvín og verður bara betri með aldrinum.

Tölfræði leiksins í kvöld á kki.is: http://kki.is/motamal/leikir-og-urslit/motayfirlit/Leikur?league_id=undefined&season_id=93701&game_id=3380949#mbt:6-400$t&0=1

Sl. fimmtudag vann Höttur Breiðablik, einnig á Egilsstöðum, 90-87. Sá leikur var ekki síður spennandi. Við leiddum leikinn lengst af en Breiðablik náði 10 stiga forystu í 4. leikhluta þegar um 6 mín. voru eftir. Við náðum líka að snúa þeim leik á lokamínútunum en Aaron var stigahæstur okkar manna með 37 stig.

Fyrir viku síðan, sunnudaginn 20. nóvember, fengum við okkar fyrsta og eina tap í vetur þegar við heimsóttum Valsara á Hlíðarenda. Sá leikur endaði 86-77. Við byrjuðum leikinn vel en lékum illa í seinni hálfleik og Valsarar gengu á lagið og skiluðu okkur fyrsta tapinu í vetur.

Höttur er efst í deildinni og er eina liðið sem eingöngu hefur tapað einum leik. Fjölnir og Valur hafa tapað tveimur og Breiðablik þremur.

Tveir síðustu heimaleikir Hattar voru sendir út á netinu. Við munum halda því áfram og reyna að bæta þá þjónustu en ágætlega gekk að koma leikjunum í loftið. Góð þjónusta við brottflutta Héraðsbúa en það jafnast þó ekkert á við að upplifa spennuleik og svitalykt í íþróttahúsinu.

Höttur áfram í Maltbikarnum

  • Skoða sem PDF skjal

Höttur fór til Hveragerðis í kvöld og vann Hamar í 32 liða úrslitum Maltbikarsins í körfubolta. Leikurinn endaði 84-91. Höttur leiddi allan leikinn en Hamrarnir voru aldrei langt undan og leikurinn spennandi. Við erum því komin í 16 liða úrslit en dregið verður um mótherja í vikunni. Þrjú Dominos deildar lið féllu úr Bikarnum í 1. umferð; Stjarnan, Njarðvík og Snæfell. Nóg eftir af góðum liðum samt!

Tölfræði leiksins á kki.is: http://kki.is/motamal/leikir-og-urslit/motayfirlit/Leikur?league_id=205&season_id=93869&game_id=3599731

You are here