Fréttir

Blak á nýju ári

  • Skoða sem PDF skjal

Þá er blakið komið á fullt á nýju ári. Æfingar hjá meistaraflokkum kvenna og karla eru óbreyttar. Karlar æfa í Fellabæ mánudaga kl. 18:30-20 og miðvikudaga kl. 19-20:30. Konur æfa á Egilsstöðum þriðjudaga kl. 20-21:30 og fimmtudaga kl. 21-22:30. Blakdeildin er síðan með Egilsstaðahúsið á sunnudögum kl. 15-17 þar sem mfl. kemur saman og spilar blak án þjálfara.

Blakmaður Hattar var krýndur á þrettándanum. Særún Sævarsdóttir hlaut titilinn fyrir árið 2011 og óskum við henni hjartanlega til hamingju með titilinn.

 saeja.jpg - 7.52 Kb

Mfl. karla vígir í dag nýja keppnisbúninga sem deildin fékk hjá JAKO. Þeir spila útileik við Huginn, Seyðisfirði í 2. deild karla. Leikurinn byrjar kl. 15.

Áfram Höttur!!!

Blak - Æfingar í vetur hjá meistaraflokki

  • Skoða sem PDF skjal

Blakæfingar hjá meistaraflokki karla verða í Íþróttahúsinu Fellabæ á mánudögum kl. 18:30-20 og á miðvikudögum kl. 19-20:30.

Blakæfingar hjá meistaraflokki kvenna verða í Íþróttahúsinu Egilsstöðum á þriðjudögum kl. 20-21:30 og á fimmtudögum kl. 21-22:30. Konur æfa í tvískiptum hóp og verða þjálfarar Hjördís Marta Óskarsdóttir og Jón Gunnar Axelsson.

Nýju vellirnir tilbúnir

  • Skoða sem PDF skjal

Nýju strandblakvellirnir í Bjarnadal eru tilbúnir til notkunar. Búið er að setja upp súlur, net og línur og þökuleggja í kring ásamt því að vinna undirlag og dreifa sandi yfir. Hópur sjálfboðaliða frá blakdeild Hattar ásamt nokkrum starfsmönnum ALCOA vann verkið í misjöfnu veðri en með góða skapið í farteskinu. Aðstaða til strandblakiðkunar á Egilsstöðum er því orðin til fyrirmyndar þar sem vellirnir kúra í skjólsælum dal í miðjum bænum.

 

Börn og unglingar. Strandblak - námskeið

  • Skoða sem PDF skjal

Strandblaksnámskeið verður haldið í Bjarnadalnum á Egilsstöðum

20.-24. júní

Aldur  11-13  ára kl. 14:15-15:15
         14-15  ára kl. 15:30-16:30
         16-18  ára kl. 16:30-18:00

27. júní-1. júlí


Aldur  11-13  ára kl. 14:15-15:15
         14-15  ára kl. 15:30-16:30
         16-18  ára kl. 16:30-18:00


Hámarksfjöldi í hóp er 10. Námskeiðið er börnum og unglingum að kostnaðarlausu.


Skráning: Þetta tölvupóstfang er varið gegn ruslpósts þjörkum, Þú verður að hafa JavaScript virkt til að sjá það.  eða í síma 892 0556

 

 

Austurlandsmót í blaki

  • Skoða sem PDF skjal
 

Sunnudaginn 10. apríl var haldið Austurlandsmót í blaki á Seyðisfirði.

Einn Austurlandstitill vannst, en það var í fyrstu deild kvenna þar sem Höttur A vann nokkuð sannfærandi og varði þar með titil sinn.

Hinum liðunum gekk bara vel. Höttur B varðí þriðja sæti og Höttur C í fjórða sæti í 2. deild kvenna. Karlalið Hattar varð í 3. sæti. Aðeins voru veitt verðlaun fyrir fyrsta sæti í hverri deild, en spilað var í einni deild karla þar sem fimm lið tóku þátt og tveimur deildum kvenna þar sem þátttökulið voru samtals fjórtán.

Myndir frá mótinu eru á slóðinni: http://uia.is/index.php?option=com_rsgallery2&gid=33&Itemid=60

You are here