Fréttir

Staðan í 2. deild kvenna, Austurlandsriðli

  • Skoða sem PDF skjal

Staðan í 2. deild kvenna í Austurlandsriðli er þannig að Höttur er einn efstur með 14 stig en Þróttur N c fylgir fast á hæla þeim með 13 stig. Allt stefnir í hörkueinvígi milli Hattar og Þróttar um að komast í úrslitakeppnina í 2. deildinni í mars.

Nánari úrslit og staða í deildinni er á blak.is.

Næsti leikur Hattar er við Val næstkomandi sunnudag kl. 16:15.

Blakmaður Hattar 2010

  • Skoða sem PDF skjal

Höttur A á góðri stund. Oddný Freyja er í efri röð til vinstri.

Blakmaður Hattar 2010 var valin Oddný Freyja Jökulsdóttir. Hún er einn besti leikmaður Hattar í blaki og hefur verið það undanfarin ár. Hún er öflugur sóknarmaður sem og varnarmaður ásamt því að vera góður félagi innan vallar sem utan. Verðlaunin voru afhent á þrettándagleði Hattar 6. janúar 2011.

 

íslandsmótið í blaki

  • Skoða sem PDF skjal

Þeir sem hafa áhuga á að fylgjast með Íslandsmótinu í blaki geta farið inn á http://blak.is/default.asp?page=upplvefur/deildir.asp
Höttur er með 3 kvennalið og eitt karlalið sem keppa í Austurlandsriðli.

Vorönn 2011

  • Skoða sem PDF skjal

Æfingar eru byrjaðar hjá meistaraflokki karla og kvenna í blakinu. Engar breytingar urðu á æfingatíma karla, þeir eru enn í Fellabæ á þriðjudögum kl. 20 og fimmtudögum kl. 19:30. Sameiginlegur skemmtitími er einnig á sunnudögum kl. 16.

Breyting hefur orðið á æfingatíma í meistaraflokki kvenna. Nú eru æfingar á mánudögum kl. 20-21 og miðvikudögum kl. 21-22:30 í íþróttahúsinu Egilsstöðum.

Þjálfarar eru sem fyrr Jón Grétar Traustason og Elínborg Valsdóttir.

Krakkablakið (Blak-karfa-frjálsar) er síðan á sínum stað á þriðjudögum kl. 18 og laugardögum kl. 13 og þjálfari þar er áfram Brynjar Gauti Snorrason.

Fréttabréf september 2010

  • Skoða sem PDF skjal

Nú er blakið hjá okkur komið á fullt þetta haustið.

Sævar Már Guðmundsson kom til okkar sl. föstudag og laugardag og var með æfingabúðir fyrir hóp fólks sem svitnaði og skemmti sér vel. Hera Ármannsdóttir var tengiliður okkar og umsjónarmaður búðanna.

Þjálfaramál eru orðin nokkuð klár í bili. Jón Grétar Traustason þjálfar meistaraflokk karla, Elínborg Valsdóttir stjórnar æfingum hjá meistaraflokki kvenna og hefur þar til leiðsagnar reyndan blakara á Norðfirði (Kristín Salin) sem sér um að setja upp æfingaplön fyrir byrjendur og lengra komna. Kristín kemur síðan nokkra sunnudaga (hún kemst alls ekki í annan tíma) og verður með æfingar fyrir meistaraflokk kvenna, getuskipt og aðeins eitt getustig í einu. Fyrsta æfingin hennar verður 3. október og þá með vanar blakkonur.

Barna- og unglingastarfið er farið af stað. Brynjar Gauti Snorrason er með samkrullið Blak-frjálsar-karfa og Karen Rós Sæmundardóttir er með æfingar fyrir 10-12 ára.

Æfingagjöld hafa verið ákveðin kr. 10000 á einstakling og kr. 15000 á hjón fyrir tímabilið sept-des 2010. Greiðsluseðlar verða sendir út í október.

Höttur verður með á Íslandsmótinu í 2. og 3. deild kvenna og í 2. deild karla. 2. deildin spilar heima og heiman en 3. deildin spilar þrjár umferðir í vetur sem spilast í turneringum (heill dagur fer í heila umferð, eins og lítið blakmót). Búið er að sækja um að ein umferð í 3. deild kvenna verði spiluð á Egilsstöðum eftir áramótin. Ekki er búið að dagsetja leiki í 2. deild karla og kvenna.

You are here