Gautaborgarleikar

  • Skoða sem PDF skjal

Miðvikudaginn 4. júlí lagði flottur hópur af stað til Gautaborgar til að taka þátt í Gautaborgarleikunum í frjálsum. Keppendur voru 12 og farastjórar og þjálfarar voru Metta og Lísa. Ferðin tókst vel á allan hátt. Keppendur voru til fyrirmyndar bæði innan vallar sem utan og var mjög góð stemning í hópnum. Flest allir bættu sinn besta árangur í þeim greinum sem þeir kepptu í og aðrir voru við sitt besta. Aðstæður og veður voru sem best er á kosið og er það frábært reynsla að fá að keppa á svona stóru móti og flottum velli. 

Ferðin var frábær í alla staði og vonum við að það verði aftur farið eftir tvö ár. 

Gautaborg

Tilkynningar

  • Landsbankinn framlengir samning sinn við Hött

    Landsbankinn og Íþróttafélagið Höttur hafa ákveðið að framlengja samningi sínum um 1 ár. Núverandi samningur hefur verið í gildi síðastliðin 3 ár.

    Báðir aðilar samningsins eru mjög ánægðir með samstarfið. Samningurinn tekur til deilda félagsins sem bera upp unglinga og barnastarf.

     
  • Flugfélag Íslands gerir styrktarsamning við Hött

    Flugfélag Íslands hefur gert styrktarsamning við Íþróttafélagið Hött til þriggja ára. Samningurinn mun renna styrkari stoðum undir starfsemi Hattar en félagið heldur úti mörgum flokkum sem krefjast ferðalaga innanlands. Samningurinn mun því nýtast félaginu vel en ferðakostnaður er einn stærsti útgjaldaliður margra deilda félagsins.

    Flugfélag Íslands er því komið í hóp þeirra fyrirtækja sem hafa á undanförnum árum gert langtímasamninga við félagið og með því tryggt öruggari rekstur hinna ýmsu deilda félagsins en í dag eru starfandi 8 deildir innan félagsins. Samningurinn er gerður við aðalstjórn félagsins sem mun síðan vinna frekar með samninginn innan félagsins.

    Það voru Davíð Þór Sigurðarson, formaður Hattar og Ingi Þór Guðmundsson, sölu og markaðsstjóri Flugfélag Íslands sem undirrituðu samninginn fyrir hönd félaganna tveggja.

     
You are here