Guðjón Ernir íþróttamaður Hattar 2019

  • Skoða sem PDF skjal
Guðjón Ernir Hrafnkelsson var valinn íþróttamaður Hattar 2019 á árlegri þrettándagleði Hattar og Fljótsdalshéraðs síðasta mánudag. Guðjón Ernir er fæddur 2001 og verður því 19 ára á þessu ári, hann hefur verið gríðarlega mikilvægur fyrir lið mfl karla í knattspyrnu síðustu tvö árin. Hann hefur leikið 46 deildar- og bikarleiki fyrir liðið og hefur verið valinn efnilegastur hjá liðinu síðustu tvö sumur.
Hraði hans, tækni og elja upp og niður hægri kantinn skilaði honum einnig í 25 manna æfingahóp hjá U-18 ára í Íslenska landsliðinu. Hans frammistaða inná vellinum hefur vakið eftirtekt þar sem lið úr efri deildum hafa boðið honum til æfinga á haustmánuðum. En einnig fór hann til æfnga hjá U-19 ára liði Gautaborgar í Svíþjóð á vegum Hattar. Hann er flott fyrirmynd yngri iðkenda hjá Hetti og sýnir hversu gott yngri flokka starf Hattar í knattspyrnu er.
Til hamingju með Guðjón !

Tilkynningar

  • Landsbankinn framlengir samning sinn við Hött

    Landsbankinn og Íþróttafélagið Höttur hafa ákveðið að framlengja samningi sínum um 1 ár. Núverandi samningur hefur verið í gildi síðastliðin 3 ár.

    Báðir aðilar samningsins eru mjög ánægðir með samstarfið. Samningurinn tekur til deilda félagsins sem bera upp unglinga og barnastarf.

     
  • Flugfélag Íslands gerir styrktarsamning við Hött

    Flugfélag Íslands hefur gert styrktarsamning við Íþróttafélagið Hött til þriggja ára. Samningurinn mun renna styrkari stoðum undir starfsemi Hattar en félagið heldur úti mörgum flokkum sem krefjast ferðalaga innanlands. Samningurinn mun því nýtast félaginu vel en ferðakostnaður er einn stærsti útgjaldaliður margra deilda félagsins.

    Flugfélag Íslands er því komið í hóp þeirra fyrirtækja sem hafa á undanförnum árum gert langtímasamninga við félagið og með því tryggt öruggari rekstur hinna ýmsu deilda félagsins en í dag eru starfandi 8 deildir innan félagsins. Samningurinn er gerður við aðalstjórn félagsins sem mun síðan vinna frekar með samninginn innan félagsins.

    Það voru Davíð Þór Sigurðarson, formaður Hattar og Ingi Þór Guðmundsson, sölu og markaðsstjóri Flugfélag Íslands sem undirrituðu samninginn fyrir hönd félaganna tveggja.

     
You are here