Körfuknattleikur

Yngri flokkar - Meistaraflokkur

Fréttir

Lokahóf Körfuknattleiksdeildar

  • Skoða sem PDF skjal

httur082

Lokahóf meistaraflokks körfuknattleiksdeildar verður haldið í Gistihúsinu Egilsstöðum föstudaginn 23. mars.  Hófið hefst kl. 19 og borðhald kl. 20.  Leikmenn meistaraflokks, 11. flokks og stúlknaflokks eru velkomnir og allir velunnarar deildarinnar.  Glæsilegur þriggja rétta matseðill að hætti Gistihússins verður í boði gegn vægu verði, 4.900 kr. á mann.

Tilvalið tækifæri að samgleðjast með liðinu, kveðja Mike og Trevon og borða góðan mat!  Allir eru velkomnir en beðnir að skrá sig hjá Hafsteini í netfangi Þetta tölvupóstfang er varið gegn ruslpósts þjörkum, Þú verður að hafa JavaScript virkt til að sjá það. eða í síma 8445334 í síðasta lagi á fimmtudag.

Höttur lauk Íslandsmótinu með sóma

  • Skoða sem PDF skjal

Seinni leikurinn gegn Skallagrími í undanúrslitum úrslitakeppni 1. deildar KKÍ tapaðist í kvöld með 77 stigum gegn 88.  Eftir jafnan fyrri hálfleik náðu Skallagrímsmenn undirtökunum í 3. leikhluta og þrátt fyrir góða atlögu okkar manna í lokin lönduðu Borgnesingar sigri og þar með sæti í úrslitum.  Fjölmargir áhorfendur mættu í íþóttahúsið og studdu liðið vel.

Með leiknum í kvöld lauk Höttur keppni í 1. deild KKÍ á þessu tímabili.  Liðið getur borið höfuðið hátt eftir ágætt tímabil.  Höttur lenti í 4. sæti deildarinnar eftir harða keppni um 2. sætið.  Besti árangur liðsins í mörg ár og sæti í úrslitakeppninni gaf vonir um Úrvalsdeildarsæti.  Það tókst ekki í þetta sinn en liðið er ungt og reynslunni ríkari eftir tímabilið.

Margir stuðningsaðilar hafa staðið við bakið á liðinu á tímabilinu og er þeim þakkaður stuðninginn.  Áhorfendum fjölgaði líka á pöllunum í vetur og sýndu liðinu góðan stuðning, sem er ómetanlegt.  Allt á réttri leið í körfunni!

Úrslitakeppni 1. deildar sunnudag kl. 18

  • Skoða sem PDF skjal

Höttur mætir Skallagrími í úrslitakeppni um sæti í Úrvalsdeild, sunnudaginn 18. mars kl. 18:00.  Það lið sem fyrr vinnur tvo leiki fer í úrslitaviðureign gegn Hamri eða ÍA sem einnig mætast í undanúrslitum.  Skallagrímur vann fyrsta leikinn í Borgarnesi í hörkuleik 105-99 svo nú er að duga eða drepast.

Fyllum pallana og styðjum okkar lið.

Höttur í öðru sæti fyrir lokaumferð körfunnar

  • Skoða sem PDF skjal

Höttur vann 29 stiga sigur á ÍG í Grindavík, 91-120 í næstsíðustu umferð 1. deildar Íslandsmótsins í körfu.  Höttur er þar með í öðru sæti deildarinnar þegar einn leikur er eftir.  Í leiknum gegn ÍG skoraði Mike Sloan 31 stig, Viðar 24, Trevon 19 og Kristinn 16 stig.  Höttur mun leika í umspili liða í 2.-5. sæti í deildinni og liðin í 2. og og 3. sæti fá heimaleikjarétt í fyrstu viðureignunum.  Síðasti leikur deildarkeppninnar verður 9. mars á Egilsstöðum gegn Breiðabliki.  Breiðablik er eitt af liðunum sem berst um sæti í umspilinu og við töpuðum fyrir þeim eftir framlegngingu í fyrri umferðinni.

 

Mjög mikilvægur leikur föstudaginn 9. mars kl. 18:30 gegn Breiðabliki og við verðum að fjölmenna í Íþróttamiðstöðina!

Höttur í umspil um sæti í Úrvalsdeild

  • Skoða sem PDF skjal

Eftir fimm leikja sigurhrinu hefur Höttur tryggt sér sæti í fjögurra liða úrslitakeppni um eitt laust sæti í Úrvalsdeild KKÍ á næstu leiktíð.  Höttur er kominn í þriðja sæti deildarinnar eftir sigra um helgina gegn Hamri á heimavelli, 85-70, og gegn Skallagrími í Borgarnesi, 86-97, en Skallagrímur er í öðru sæti deildarinnar.  KFÍ hefur þegar tryggt sér sigur í deildinni og þar með sæti í Úrvalsdeild en fjögur næstu lið munu berjast um annað sætið.

Staða efstu liða í 1. deildinni er nú þannig; KFÍ 30 stig/16 leikir, Skallagrímur 22/15, Höttur 20/16, Hamar 18/15, Breiðablik 16/15, Þór A. 14/15.

Önnur lið geta náð okkur að stigum en á jöfnum stigum munum við raðast ofar en Hamar, Þór og Skallagrímur vegna innbyrðis viðureigna.

Síðustu tveir leikir Hattar í deildinni eru gegn ÍG úti 24.2. og gegn Breiðabliki heima 9.3.

You are here