Fimleikadeild Hattar sendi 37 iðkendur í 4.-6. bekk á Haustmót 1 helgina 18.-19. nóvember. Afturelding hélt flott mót sem fór fram í íþróttamiðstöð Varmá í Mosfellsbæ. Við gætum ekki verið stoltari af okkar iðkendum og óskum við öllum keppendum innilega til hamingju með árangurinn.
Stökkfimi yngri
Hattarstrákar mættu á fyrsta stökkfimimót tímabilsins og stóðu sig afar vel. Fimm drengjalið tóku þátt á mótinu. Drengirnir sex lentu öll sín stökk á dýnu og sýndu mjög vandaðar gólfæfingar enda búnir að æfa þær stíft síðustu vikur. Þetta lið ljómaði af gleði alla keppnina.
Niðurstöður mótsins:
1.sæti á gólfi
1.sæti á dýnu
1.sæti fyrir samanlagðan árangur
Drengir yngri hópfimleikar
Sjö hattar strákar kepptu í flokki drengja yngri í hópfimleikum. Liðið lenti í 2.sæti af 6 liðum. Strákarnir áttu einstaklega flott trampolín og stóðu sig vel í gólfæfingunum sínum. Skemmtilegt verður að fylgjast með strákunum á næsta móti sem verður í febrúar.
Niðurstöður mótsins:
2. sæti á trampolíni
2. sæti á gólfi
2. sæti fyrir samanlagðan árangur
4. flokkur lið hópfimleikar
Í ár erum við lánsöm að vera með stóran 4. flokks hóp sem hægt var að skipta í tvö lið. Höttur X keppti snemma sunnudagsmorgun og Höttur Z um hádegið. Liðin áttu svo sannarlega skilið góða keppni enda búnar að æfa stíft á æfingum í haust. Bæði lið sýndu fallegar fimleikaæfingar. Smá stress, gleði og jákvæðni skilaði þessum flottu Hattar liðum 2 sæti og 18. sæti af 27 liðum. Liði X keppir í A-deild og lið Z í B-deild á næsta móti.
Höttur X
Þeirra besti árangur var 2. sæti á dýnu með 12.930 stig
2. sæti fyrir samanlagðan árangur
Höttur Z
Þeirra besti árangur var 13. sæti á trampólíni með 9.930 stig
18. sæti fyrir samanlagðan árangur