• Láta vita af forföllum.
• Sportabler appið og börnin. Foreldarar þurfa að biðja um kóðann fyrir sín börn kjósi þau að láta börnin nota appið.
• Muna að senda iðkendur með íþróttafatnað og vatnsbrúsa
• Senda iðkendur með hollt og gott nesti – gott væri að hafa eitthvað fljótlegt, til dæmis ávexti/grænmeti og skyr
• Hvetjum foreldra til að hafa samband við þjálfara ef eitthvað er

• Vera stundvís á æfingar ekki má mæta í fimleikahúsið meira 15. mín fyrir æfingu. 
• Iðkendur skulu ávalt mæta í íþróttafötum á æfingu, best er að vera í fimleikabol. Ekki má mæta í víðum fötum á æfingu, né vera með bert á milli. 
• Hárið skal alltaf hafa greitt frá andliti – ekki nóg að setja hluta af hárinu í teygju. 
• Iðkendur bíða inni í klefa þar til þjálfari sækir hópinn. Að undanskildum 1 flokki og MFL. Þau mega vera inni í sal ef þau eru að rúllla og teygja. 
• Mæta ekki með verðmæti á æfingar. 
• Símar eru ekki leyfilegir á æfingum. 
• Berum virðingu fyrir öðrum iðkendum, þjálfurum og starfsfólki íþróttamiðstöðvar. 
• Förum eftir fyrirmælum þjálfara. 
• Vatn er eini leyfilegi drykkurinn inni í fimleikasal – mælum með því að öll hafi vatnsbrúsa með sér á æfingu. 

• Í krílahóp 1 og 2 mætir einn fullorðin einstaklingur með barninu og fylgir því í gegnum æfinguna. Aðstoðar eftir þörfum og eftir fremsta megni heldur því á réttri leið.

• Krílahópur 3 og 4 eru ekki í fylgd fullorðinna á æfingunni. Á meðan æfingu stendur er mikilvægt að foreldrar séu sem stuðningur sé þess þörf en passa þarf að trufla ekki æfinguna. Ekki er krafa á að foreldrar séu í húsi meðan æfing stendur.

• Þjálfarar leiðbeina um hvar áhorfendur eiga að sitja í salnum, ekkert eiginlegt áhorfendasvæði er í húsinu. Áhorfendum er boðið að sækja sér stóla og horfa á æfinguna frá tartanbrautinni, ekki má sitja á fimleikaáhöldunum.

• Önnur börn en þau sem eru skráð á viðkomandi æfingu eiga ekki að vera á æfingarsvæðinu. 

• Matur og aðrir drykkir en vatn eru ekki leyfðir inni í sal.

• Mætið tímalega og látið vita af forföllum í Sportabler.

• Iðkendur eiga að vera í viðeigandi íþróttafatnaði sem er ekki of víður og gæti flækst fyrir þeim og þjálfurum.

• Taka hár frá andliti, þannig að ekki sé nein hætta að það flækist í áhöldum.

• Bera virðingu fyrir öðrum iðkendum, þjálfurum og starfsfólki íþróttamiðstöðvarinnar.

• Fara eftir fyrirmælum þjálfara.

Krílahópur er fyrir öll börn á aldrinum 2-5 ára. Þessar æfingar eru fyrir þau sem vilja stunda hreyfingu í skipulögðu starfi. Í tímanum er farið í upphitun, leiki, teygjur og fjölbreyttar þrautabrautir. Börnin fá að kynnast öllum áhöldum sem eru notuð inn í hópfimleikasal og eru þessir tímar frábær grunnur fyrir allar íþróttir. Tímarnir eru einu sinni í viku.

Áhersla er lögð á að:

• Auka hreyfiþroska barna
• Byggja góðan grunn fyrir áframhaldandi þátttöku í íþróttum
• Tengja hreyfingu við gleði
• Æfa að fylgja fyrirmælum
• Leysa áskoranir í öruggu og krefjandi umhverfi

Áhugahópur er fyrir þau sem vilja æfa fimleika en ekki keppa. Hóparnir henta fyrir krakka sem vilja æfa minna en keppnishópar, þessir hópar sleppa keppnisundirbúningi og eru æfingar því styttri. Það er í boði að velja hvort æft sé 1x eða 2x í viku. Sérstök áhersla er lögð á grunnæfingar í fimleikum ásamt fjölbreyttum æfingum á stökkdýnum og trampólínum. Ólíkt keppnishópum fara þessir hópar ekki á sér gólfæfingu. Áhugahópar taka þátt í sýningu Fimleikadeildar Hattar. Reynsla í fimleikum er ekki nauðsynleg, við tökum vel á móti byrjendum.

Áhersla er lögð á að:

• Bæta færni í fimleikum
• Æfa að vera þátttakandi í hóp
• Auka vöðvastyrk, þol og liðleika
• Æfa góða hegðun og sjálfsaga
• Bæta samhæfingu

Keppnishópur er fyrir þau sem hafa áhuga á að keppa í hópfimleikum. Í hópfimleikum er keppt í æfingum á gólfi, dýnu og trampólíni. Þessir hópar eru með sér gólfæfingu (dans) 1x í viku.  

Æfingar eru skipulagðar í kringum keppnisreglur. Krafa er gerð um að iðkendur mæti á öll mót vetrarins og æfi á öllum æfingum sem eru í æfingaráætlun hópsins.  Í yngri flokkunum (5. og 4. flokki og drengjahópnum) er markmiðið að öll börn fá að gera í einhverjum umferðum á mótum. Eftir því sem iðkendur verða eldri eru fjöldatakmarkanir í umferðum strangari og því er raðað í umferðir eftir getu. 

Keppnishópar taka þátt í sýningu Fimleikadeildar Hattar. 

Áhersla er lögð á að:

• Æfa og undirbúa nýjar og erfiðari fimleikaæfingar
• Undirbúa iðkendur fyrir keppni
• Æfa að vera þátttakandi í hóp
• Auka vöðvastyrk, þol og liðleika
• Æfa góða hegðun og sjálfsaga
• Bæta samhæfingu

Varðani getu:

• Drengir keppnishópur: Ekki gerð krafa um grunn í fimleikum
• 5.flokkur – Ekki gerð krafa um grunn í fimleikum
• 4.flokkur – Ekki gerð krafa um grunn í fimleikum
• 3.flokkur – Grunnur í fimleikum nauðsynlegur
• 2.flokkur – Grunnur í fimleikum nauðsynlegu

Fimleikadeild Hattar var stofnuð formlega sem deild innan Hattar árið 1986 en var búin að vera starfandi í tvö ár áður. Stofnendur deildarinnar voru Hólmfríður Jóhannsdóttir og Unnar Vilhjálmsson og voru þau einnig fyrstu þjálfara deildarinnar.

Þann 21. febrúar 2004 var fimleikadeild Hattar veitt viðurkenning vegna gæðaverkefnis Íþrótta- og ólympíusambands Íslands undir heitinu Fyrirmyndarfélag ÍSÍ. Viðurkenningin til fimleikadeildar Hattar var sú fyrsta sem veitt var á Austurlandi.

Blómlegt starf er í deildinni með 20 þjálfurum og aðstoðaþjálfurum ásamt 340 iðkendum sem eru frá 2 ára aldri. Frá árinu 2007 hafa iðkendur fimleikadeild Hattar æft og keppt í hópfimleikum en fram að því var keppt í almennum fimleikum.

Fimleikadeild Hattar leggur áherslu á að fimleikar eru fyrir alla og bíður upp á hópa bæði fyrir iðkendur í keppni og fyrir þá sem kjósa fimleika sem hreyfingu.