Gjöld er hægt að að sjá á skráningarsíðu deildarinnar þegar opið er fyrir skráningu.

Systkynaafsláttur ef veittur af æfingargjöldum fyrir iðkendur í 3 bekk og eldri, afsláttur er ekki gefin af fyrsta barni. Ekki er gefin afsláttur af námskeiðum. Afsláttur 10% er reiknaður sem vegið meðaltal af síðustu og núverandi kaupum án aflsáttar. Sem dæmi:

Afsláttur við Kaup1 = 0
Afsláttur við Kaup2 = (Kaup1 án afsláttar + Kaup2 ánafsláttar) / 2 * afsláttarprósenta.
Afsláttur við Kaup3 = (Kaup 2 án afsláttar + Kaup3 án afsláttar) / 2 * afsláttarprósenta.
Afsláttur við Kaup4 = (Kaup 3 án afsláttar + Kaup4 án afsláttar) / 2 * afsláttarprósenta.

Krílahópur er fyrir öll börn á aldrinum 2-5 ára. Þessar æfingar eru fyrir þau sem vilja stunda hreyfingu í skipulögðu starfi. Í tímanum er farið í upphitun, leiki, teygjur og fjölbreyttar þrautabrautir. Börnin fá að kynnast öllum áhöldum sem eru notuð inn í hópfimleikasal og eru þessir tímar frábær grunnur fyrir allar íþróttir. Tímarnir eru einu sinni í viku 13 vikur á haustönn og 14 vikur á vorönn.

Áhersla er lögð á að:

• Auka hreyfiþroska barna
• Byggja góðan grunn fyrir áframhaldandi þátttöku í íþróttum
• Tengja hreyfingu við gleði
• Æfa að fylgja fyrirmælum
• Leysa áskoranir í öruggu og krefjandi umhverfi

Áhugahópur er fyrir þau sem vilja æfa fimleika en ekki keppa. Hóparnir henta fyrir krakka sem vilja æfa minna en keppnishópar, þessir hópar sleppa keppnisundirbúningi og eru æfingar því styttri. Það er í boði að velja hvort æft sé 1x eða 2x í viku. Sérstök áhersla er lögð á grunnæfingar í fimleikum ásamt fjölbreyttum æfingum á stökkdýnum og trampólínum. Ólíkt keppnishópum fara þessir hópar ekki á sér gólfæfingu. Áhugahópar taka þátt í sýningu Fimleikadeildar Hattar. Reynsla í fimleikum er ekki nauðsynleg, við tökum vel á móti byrjendum.

Áhersla er lögð á að:

• Bæta færni í fimleikum
• Æfa að vera þátttakandi í hóp
• Auka vöðvastyrk, þol og liðleika
• Æfa góða hegðun og sjálfsaga
• Bæta samhæfingu

Keppnishópur er fyrir þau sem hafa áhuga á að keppa í hópfimleikum. Í hópfimleikum er keppt í æfingum á gólfi, dýnu og trampólíni. Þessir hópar eru með sér gólfæfingu (dans) 1x í viku.  

Æfingar eru skipulagðar í kringum keppnisreglur. Krafa er gerð um að iðkendur mæti á öll mót vetrarins og æfi á öllum æfingum sem eru í æfingaráætlun hópsins.  Í yngri flokkunum (5. og 4. flokki og drengjahópnum) er markmiðið að öll börn fá að gera í einhverjum umferðum á mótum. Eftir því sem iðkendur verða eldri eru fjöldatakmarkanir í umferðum strangari og því er raðað í umferðir eftir getu. 

Keppnishópar taka þátt í sýningu Fimleikadeildar Hattar. 

Áhersla er lögð á að:

• Æfa og undirbúa nýjar og erfiðari fimleikaæfingar
• Undirbúa iðkendur fyrir keppni
• Æfa að vera þátttakandi í hóp
• Auka vöðvastyrk, þol og liðleika
• Æfa góða hegðun og sjálfsaga
• Bæta samhæfingu

Um flokkana:

• Drengir keppnishópur er fyrir 3. bekk og eldri. Ekki gerð krafa um grunn í fimleikum
• 5.flokkur stúlkur í 3. bekk. Ekki er gerð krafa um grunn í fimleikum
• 4.flokkur stúlkur í 4.-5. bekk. Ekki er gerð krafa um grunn í fimleikum
• 3.flokkur stúlkur í 6.-7. bekk. Grunnur í fimleikum nauðsynlegur
• 2.flokkur stúlkur í 8.-9. bekk. Grunnur í fimleikum nauðsynlegur

• Í krílahóp 1 og 2 mætir einn fullorðin einstaklingur með barninu og fylgir því í gegnum æfinguna. Aðstoðar eftir þörfum og eftir fremsta megni heldur því á réttri leið.

• Krílahópur 3 og 4 eru ekki í fylgd fullorðinna á æfingunni. Á meðan æfingu stendur er mikilvægt að foreldrar séu sem stuðningur sé þess þörf en passa þarf að trufla ekki æfinguna. Ekki er krafa á að foreldrar séu í húsi meðan æfing stendur.

• Þjálfarar leiðbeina um hvar áhorfendur eiga að sitja í salnum, ekkert eiginlegt áhorfendasvæði er í húsinu. Áhorfendum er boðið að sækja sér stóla og horfa á æfinguna frá tartanbrautinni, ekki má sitja á fimleikaáhöldunum.

• Önnur börn en þau sem eru skráð á viðkomandi æfingu eiga ekki að vera á æfingarsvæðinu. 

• Matur og aðrir drykkir en vatn eru ekki leyfðir inni í sal.

• Mætið tímalega og látið vita af forföllum í Sportabler.

• Iðkendur eiga að vera í viðeigandi íþróttafatnaði sem er ekki of víður og gæti flækst fyrir þeim og þjálfurum.

• Taka hár frá andliti, þannig að ekki sé nein hætta að það flækist í áhöldum.

• Bera virðingu fyrir öðrum iðkendum, þjálfurum og starfsfólki íþróttamiðstöðvarinnar.

• Fara eftir fyrirmælum þjálfara.

• Vera stundvís á æfingar ekki má mæta í fimleikahúsið meira 15. mín fyrir æfingu. 
• Iðkendur skulu ávalt mæta í íþróttafötum á æfingu, best er að vera í fimleikabol. Ekki má mæta í víðum fötum á æfingu, né vera með bert á milli. 
• Hárið skal alltaf hafa greitt frá andliti – ekki nóg að setja hluta af hárinu í teygju. 
• Iðkendur bíða inni í klefa þar til þjálfari sækir hópinn. Að undanskildum 1 flokki og MFL. Þau mega vera inni í sal ef þau eru að rúllla og teygja. 
• Mæta ekki með verðmæti á æfingar. 
• Símar eru ekki leyfilegir á æfingum. 
• Berum virðingu fyrir öðrum iðkendum, þjálfurum og starfsfólki íþróttamiðstöðvar. 
• Förum eftir fyrirmælum þjálfara. 
• Vatn er eini leyfilegi drykkurinn inni í fimleikasal – mælum með því að öll hafi vatnsbrúsa með sér á æfingu. 

1. Keppendur, fararstjórar, þjálfarar og dómarar skulu ávallt vera til fyrirmyndar um alla framkomu í ferðum á vegum fimleikadeildar Hattar. Sýna hæversku og reglusemi á leikvangi jafnt innan vallar sem utan. Á ferðalagi sameinast allir í að vinna að velferð hópsins, góðri ímynd, liðsheild og velgengni. Alvarleg agabrot leiða til ferðabanns eftir nánari ákvörðun stjórnar fimleikadeildar Hattar. Alvarleg agabrot er t.d. að fara út af gististað án samþykkis fararstjóra/þjálfara, fá gesti á gististað að næturlagi, nota áfengi, nikótín og önnur vímuefni á meðan á keppnisferð stendur ásamt, að fara ekki eftir fyrirmælum fararstjóra með mætingu inn á gististað að kvöldi ásamt fleiru.
2. Fararstjóri fer með æðsta vald og ábyrgð meðan á ferð stendur og er ábyrgur gagnvart stjórn fimleikadeildar Hattar. Hann kemur fram fyrir hönd hópsins og stjórn fimleikadeildarinnar.
3. Fararstjóri fylgist með undirbúningi keppnisferðar í samráði við framkvæmdarstjóra og yfirþjálfara, fer yfir skipulag með viðkomandi aðilum og undirbýr hollan matseðil fyrir helgina.
4. Fararstjóri sér um keppendur allan tímann nema á keppnisstað, þar sjá þjálfarar um keppendur. Fararstjóri er á áhorfendasvæði á meðan og er til taks ef þjálfarar óska eftir aðstoð.
5. Fararstjóra er heimilt að senda heim þátttakendur og/eða fylgdarmenn á þeirra kostnað ef þeir hafa, að hans mati, brotið verulega gegn reglum þessum. Ef þáttakandi er sendur heim á meðan á keppnisferð stendur þarf stjórn fimleikadeildar Hattar að fá upplýsingar um agabrotið.
6. Stjórn Fimleikadeild Hattar hefur lokaákvörðun í öllum málum sem koma upp í keppnisferðum eftir að ferð lýkur.
7. Stjórn fimleikadeildar Hattar getur óskað eftir að fararstjóri og þjálfari skili ferðaskýrslu eftir að keppnisferð lýkur.
8. Keppendur:
   1. Keppendur skulu ávallt sýna íþróttamannslega framkomu jafnt utan sem innan keppnisstaðar.
   2. Keppendur skulu lúta þeim reglum sem farastjórn og þjálfarar setja enda tengjast þær því að skapa góða ímynd, ná árangri og efla liðsheild.
   3. Keppendur bera ábyrgð fyrir sitt leiti að keppnisbúningar og keppnisföt séu í lagi og komi með þau á mótsstað.
   4. Keppendur geta aldrei yfirgefið mótsstað eða hótel/gististað án leyfis þjálfara og fararstjóra.
   5. Keppendur eiga alltaf að fylgja hóp á skipulögðum viðburðum á meðan keppnisferð stendur eins og borða saman (á við um morgunmat og aðra máltíðar), mæta á réttum tíma þegar farið er af stað.
   6. Ró á að vera komin á og allir í sínum herbergjum frá kl 23, nema fararstjóri ákveði annað.
   7. Keppendur bera ábyrgð á því að borða hollan og góðan mat, sleppa sælgæti og orkudrykkum á meðan á ferð stendur.