Fimleikadeild Hattar sendi 3 lið á haustmót 2 helgina 25.-26. nóvember sem haldið var á Selfossi. Þetta var fyrsta mót tímabilsins hjá þessum iðkendum og stóðu þau sig gríðarlega vel. Iðkendur höfðu lagt mikið á sig í keppnisundirbúningi fyrir þetta mót sem skilaði þeim flottum árangri. Við erum stolt af okkar iðkendum og óskum við þeim til hamingju með árangurinn
Stökkfimi eldri
8 hattarstúlkur kepptu saman í flokki stökkfimi eldri í hópfimleikum snemma á laugardeginum. 9 önnur lið mættu til keppni í þessum flokki.
1.sæti á gólfi með 14.665 stig
1.sæti á dýnu með 16.165 stig
1.sæti á trampolíni með 14.200 stig
1.sæti fyrir samanlagðan árangur með 45.030 stig
Næsta mót hjá þeim verður í byrjun febrúar
2.flokkur
9 stúlkur frá Hetti kepptu í 2.flokk á laugardeginum og sýndu vel vandaðar fimleikaæfingar. 9 lið mættu til keppni á þetta flotta fimleikamót. Lið Hattar endaði í 4. Sæti. Þær stóðu sig vel á öllum áhöldum. Næsta mót hjá þeim verður í byrjun febrúar.
3.flokkur
Eftir haustmót í 3.flokki er liðum skipt niður í deildir eftir einkunnum. 3.flokkur Hattar komst í A-deild en þær enduðu í 8. sæti af 18 liðum. Þær fengu háar framkvæmdareinkunnir á öllum áhöldum svo nú setja þær stefnuna á að hækka erfiðleikaeinkunn og fara næstu æfingar í að æfa og undirbúa ný og erfiðari stökk. Liðið samanstóð af 15 stúlkum í 6.-7.bekk
Þessi lið eiga öll mikið inni og verður spennandi að fylgjast með keppnistímabilinu þeirra.