Hattardagurinn

  • Skoða sem PDF skjal

Aðalstjórn Hattar ákvað að halda Hattardaginn laugardaginn 26 maí n.k. Samhliða þessum degi munum við taka þátt í Samfélagsdegi Fljótsdalshéraðs með verkefnum tengdum Vilhjálmsvelli.

Hattardagurinn verður frá kl 13 til 15, þar sem krakkar og foreldrar geta komið og fengið grillaðar pulsur og kynnst hinum ýmsu greinum. Einnig mun Jako verða á staðnum að selja Hattarfatnað.

Samfélagsdagurinn verður frá kl 10 til 14, verkefni eins og að taka til í kringum Vilhjálsmvöll, setja upp flaggstangir og færa pulsuskúrinn verður meðal verkefna.

Allir velkomnir á hátið Hattar. Nánari auglýsing kemur á næstu dögum og eins í dagskránni sem kemur út þann 23 maí n.k.

fyrir hönd aðalstjórnar,

Davíð Þór Sigurðarson

Formaður Hattar

Tilkynningar

  • Landsbankinn framlengir samning sinn við Hött

    Landsbankinn og Íþróttafélagið Höttur hafa ákveðið að framlengja samningi sínum um 1 ár. Núverandi samningur hefur verið í gildi síðastliðin 3 ár.

    Báðir aðilar samningsins eru mjög ánægðir með samstarfið. Samningurinn tekur til deilda félagsins sem bera upp unglinga og barnastarf.

     
  • Flugfélag Íslands gerir styrktarsamning við Hött

    Flugfélag Íslands hefur gert styrktarsamning við Íþróttafélagið Hött til þriggja ára. Samningurinn mun renna styrkari stoðum undir starfsemi Hattar en félagið heldur úti mörgum flokkum sem krefjast ferðalaga innanlands. Samningurinn mun því nýtast félaginu vel en ferðakostnaður er einn stærsti útgjaldaliður margra deilda félagsins.

    Flugfélag Íslands er því komið í hóp þeirra fyrirtækja sem hafa á undanförnum árum gert langtímasamninga við félagið og með því tryggt öruggari rekstur hinna ýmsu deilda félagsins en í dag eru starfandi 8 deildir innan félagsins. Samningurinn er gerður við aðalstjórn félagsins sem mun síðan vinna frekar með samninginn innan félagsins.

    Það voru Davíð Þór Sigurðarson, formaður Hattar og Ingi Þór Guðmundsson, sölu og markaðsstjóri Flugfélag Íslands sem undirrituðu samninginn fyrir hönd félaganna tveggja.

     
You are here