Elín Rán og Helgi hljóta starfsmerki Hattar 2019

  • Skoða sem PDF skjal

Elín Rán Björnsdóttir og Helgi Sigurðsson fengu starfsmerki Hattar 2019 fyrir óeigingjarnt starf í þágu félagsins. Starfsmerkin voru afhent á árlegri þrettándagleði Hattar og Fljótsdalshéraðs síðasta mánudag.

Á myndinni má sjá Björn Ingimarsson, bæjarstjóra Fljótsdalshéraðs, Ástu Dís Helgadóttur sem tók við viðurkenningu fyrir hönd föður síns sem var erlendis, Elín Rán Björnsdóttir og Davíð Þór Sigurðarson, formann Hattar.

Til hamingju Elín og Helgi og takk fyrir ykkar framlag !

Tilkynningar

  • Landsbankinn framlengir samning sinn við Hött

    Landsbankinn og Íþróttafélagið Höttur hafa ákveðið að framlengja samningi sínum um 1 ár. Núverandi samningur hefur verið í gildi síðastliðin 3 ár.

    Báðir aðilar samningsins eru mjög ánægðir með samstarfið. Samningurinn tekur til deilda félagsins sem bera upp unglinga og barnastarf.

     
  • Flugfélag Íslands gerir styrktarsamning við Hött

    Flugfélag Íslands hefur gert styrktarsamning við Íþróttafélagið Hött til þriggja ára. Samningurinn mun renna styrkari stoðum undir starfsemi Hattar en félagið heldur úti mörgum flokkum sem krefjast ferðalaga innanlands. Samningurinn mun því nýtast félaginu vel en ferðakostnaður er einn stærsti útgjaldaliður margra deilda félagsins.

    Flugfélag Íslands er því komið í hóp þeirra fyrirtækja sem hafa á undanförnum árum gert langtímasamninga við félagið og með því tryggt öruggari rekstur hinna ýmsu deilda félagsins en í dag eru starfandi 8 deildir innan félagsins. Samningurinn er gerður við aðalstjórn félagsins sem mun síðan vinna frekar með samninginn innan félagsins.

    Það voru Davíð Þór Sigurðarson, formaður Hattar og Ingi Þór Guðmundsson, sölu og markaðsstjóri Flugfélag Íslands sem undirrituðu samninginn fyrir hönd félaganna tveggja.

     
You are here